HOKIANGA NUI A KUPE  
   
 
 
 
 
 

 

 

MIHI

 

Ka tangi te titi ka tangi te kaka ka tangi hoki ahau ti hewa mauri ora Whakatau mai , whakatau mai Nau mai e nga Manuhiri E tu ake ana ahau ki te tautoko i nga mihi ki te Kaihanga. E mihi ana ki nga maunga, nga awa me nga wahi tapu o tenei rohe.

Ka ki mai au te whakatauki “ kahore te kumara ka ki tona reka” engari kei konei au ki te whakaputa ki mua i a koutou oku pukenga e hiahia ana au i te mahi tahi ki a koutou.

Ko Te Whare Tapu o Ngäpuhi he mea hanga;Ko Ranginui e tü iho nei te tuanu,Ko Papatuanuku e takoto nei te papa.Ko ngä poupou o Te Whare ko ngä rärangi maunga E tütü haere nei;Ka tïmata ki a MANAIA,ä,Ka titiro ki TÜTEMOI.

TÜTEMOI titiro ki MAUNGANUI,MAUNGANUI titiro ki PÜHANGA-TOHORÄ, PÜHANGA-TOHORÄ titiro ki WHAKATERE, WHAKATERE titiro ki TE RAMAROA,TE RAMAROA titiro ki WHIRIA Ki Te Paiaka-o-Te Riri, ki Te Kawa-o-Rahiri Ka whakawhiti atu tö titiro i Te Moana Hokianga-nui-a-Kupe Ki PANGURU ki PAPATA ki Te Räkau-patapata e tü ana ki Te Hauäuru.

PANGURU-PAPATA titiro ki MAUNGATANIWHA,MAUNGATANIWHA titiro ki TOKERAU,TOKERAU titiro ki RÄKAUMANGAMANGA,RÄKAUMANGAMANGA titiro ki MANAIA,Ki te maunga tapu i tïmatahia i te whakahirihiri körero Ti hewa Mauriora

Ko Hokianga toku Moana,Ko Ramaroa toku Maunga, Ko Hikutu toku hapu, Ko Ngapuhi toku iwi, Ko Rewa Leaf raua ko Pai Wynyard oku matua, Ko Bruce raua ko Betty Mckinney oku matua whangai,Ko Rawiri Mckinney ahau.